صيام وفطام

عاوزة أفطم عشان أصوم.. 

طب ايه رأيك نصوم واحنا بنفطم؟ 

للأسف أمهات كتير بتقع في فخ الفطام المبكر والمفاجئ في الوقت ده كل سنة 

ظنًا منها إنها طول ما هي بترضع مش هتقدر تصوم.. 

خلينا الأول نقول إن بعد السنة الأولى الأصل إن صيام الأم المرضع مش هيأثر لا عليها ولا على الطفل إلا في بعض الاستثناءات.. 

وخلينا برضه نقول إن الرضاعة بعد السنة الأولى مهمة جدا للطفل والأم.. 

بتعزز مناعة الطفل بعد ما ابتدى يتحرك ويتعرف على العالم ويتعرض لمساحة أوسع من الأمراض والأوبئة.. 

بتسنده في أوقات التسنين وأدوار التعب المتكررة واللي بيكون فيها رافض الأكل والرضاعة هيا مصدره الوحيد.. 

وكمان بتعزز إحساسه بالأمان والحب والثقة وده بدوره بيفرق في تطوره النفسي والعصبي على مدار سنوات.. 

أما بالنسبة للأم فكل ما طالت فترة الرضاعة للسنتين وما بعدها، كل ما قلت فرص حدوث سرطان الثدي والمبايض..

إذن في حالة وجود حالة صحية تمنع الأم من الصيام مع الرضاعة فالأولى هنا الأخذ بالرخصة وليس الفطام..

أما إن كانت حالة الطفل و الأم تسمح بالصيام مع الرضاعة والطفل سنه كبير يسمح ببداية تنظيم عملية الرضاعة.. 

ففي الحالة دي نقدر نبدأ قواعد الفطام التدريجي (واللي بنناقشها بالتفصيل في رحلة فطام).

ونصوم أثناء تطبيقنا للخطوات، والصيام بدوره هيقلل اللبن وهيمنع حدوث تحجر أو احتقان أثناء تقليل عدد الرضعات وسحبها..

وبكده نضمن للطفل أطول مدة رضاعة ممكنة مع عدم اضطرار الأم للفطر في شهر رمضان المبارك.. 

وكل سنة وأمهاتنا وأطفالنا بخير ❤️